ШэкIогъум и 5-м Сирием ит шъолъырэу Голан тамэ зыфиIорэм тет Адыгэ къуаджэу Бир-Аджэм щыщэу нэбг 2 укIыгъэ. Ахэр Цэй Мухьамад СаIидрэ Ислам Еналрэ. ТIори Сирие дзэу къуаджэр къэзыуцохьыгъэмэ ятоп оны ыукIыгъэх.
Бир-Аджам щыщ Адыгэ кIалэгорэм къызэрэтиIуагъэмкIэ Сирие дзэмрэ ащ пэуцужьыхэмрэ къуаджэм иIэнгъунэ щызэзаох. ЦIыфэу къуаджэм къыдэнагъэхэр чIыгу чIэгъым чIэт унхэм ачIэсых, псырэ щхынрэ икъоу яIэп. Заор сыхьат заулэ агъэуцунэу бгъутIум адэгущыIэх.
Шъугу къэтэгъэкIыжьы, ШэкIогъум и 1-м Сириемрэ Израилрэ ягъунапкъэ Iус Адыгэ къуджтьIоу Бир-Аджамрэ Брекъэрэ повстанцхэм аубытгъэх. А мафэм Сирие дзэм къуаджэм пэблагъэ чIыпIэхэр ыубытхи топкIэ къадаоу ыублагъ. Сириемрэ Израилрэ ягъунапкъэ Iулъ чIыгухэм ядзэхэр ымыхьэныхэу зэгурыIоныгъэ хэгъэгуитIум зэдряI ау ащ емылъытыгъэу Сирие дзэ куп танкхэри аригъусэу ыхьагъэх.
circassiatimes.com
